For CAPRICORN_2008_Work and Eco

စီးပွားတက်မည် ။ အလုပ်အကြံအစည်များ အောင်မြင်မည် ။ ကိုယ်ပိုင်လုပ်ငန်းလုပ်ကိုင်သူများ အဖို့ ယခင်တစ်ကြိမ်တစ်ခါမှ ဈေးကွက်တွင် မထိုးဖောက်ဖူးသေးသော ပစ္စည်းများ ဖြန့်ချိ၍ အဆင်ပြေမည် ။ လူသိနည်းသော ဈေးနှုန်းသက်သာသော ပစ္စည်းများကို လူသိများအောင် စီမံ နိုင်ပြီး အကျိုးအမြတ် ကောင်းစွာရရှိမည် ။ လုပ်ငန်းခွင်မှ သူများတွင် ဖွဲ့စည်းမှုသစ်များ ကြုံရမည် ။ အခေါ်အဝေါ် ဆန်းသစ်သော ရာထူးများ လက်ခံတာဝန်ယူရတတ်သည် ။ လူသစ် များနှင့် လက်တွဲပြီး ဆောင်ရွက်သော ကိစ္စများ အဆင်ပြေမည် ။ သတ်မှတ်ထားသော ကာလအတွင်း ပြီးမြောက်ရန် အလွန်ခက်ခဲသော လုပ်ငန်းများ တာဝန်ယူရခြင်း ၊ အများသူငှာ လုပ်ကိုင်လိုခြင်း မရှိသည့် အလွန်ပြဿနာများသော အလုပ်ကို တာဝန်ယူရခြင်းကြုံမည် ။ တွဲဖက် လုပ်ကိုင်သူများသည် ကိုယ်ပိုင် အရည်အသွေး ကောင်းလင့်ကစား လုပ်ငန်းခွင်ကစား လုပ်ငန်းခွင်ကျွမ်းကျင်မှု နည်းပါးပေရာ အောင်ခြေသိမ်းမှ အစ မိမိကိုယ်တိုင် လိုက်လံဆောင် ရွက်ပေးနေရတတ်သည် ။ ဤတစ်နှစ်တာ အတွင်း ကိုင်တွယ် လုပ်ကိုင်နေရသည့် လုပ်ငန်း မှန်သမျှလည်း အမှားအယွင်း အတိမ်းအစောင်း မခံနိုင်သော လုပ်ငန်းဖြစ်ပေရာ သက်သာ အေးချမ်းစွာ နားနေရန်ပင် ခက်ခဲမည် ။ မိုးလင်းမိုးချုပ် တကုပ်ကုပ် အလုပ်ပင်ပန်းနေမည် ဖြစ်ပေရာ စိတ်ပေါ့ပါးစွာ အိပ်စက်ရန် အချိန်နည်းပါမည် ။ တစ်ပါးသူ ဖြေရှင်း၍ မရသော အခက်အခဲများ လိုက်လံဖြေရှင်းပေးရမည် ။ အပင်ပန်းခံခြင်း ၊ ဇွဲကြီးခြင်းနှင့် မဖြစ်မနေ လုပ်ဆောင်ခြင်း၏ အကျိုးဆက်ကောင်း ခံစားရမည် ။ ယခင်လုပ်ခဲ့သော လုပ်ငန်းဟောင်းများ တဖြည်းဖြည်း ရပ်ဆိုင်းသွားပြီး လုပ်ငန်းသစ်များ စတင်ရတတ်သည် ။ အပြောင်းအလဲများ လုပ်ရန် ၀န်မလေးပါနှင့် ။ တစ်ကြိမ်တစ်ခါမှ လုပ်ကိုင်ဖူးခြင်း မရှိသော လုပ်ငန်းတာဝန်များ ကိုင်တွယ်သော အခါတွင်လည်း ဖြစ်ပါ့မလား ဟူ၍ ရင်တထိတ်ထိတ်ဖြစ်မနေပါနှင့် ။ ရဲရဲ ရှေ.တိုး ဆောက်ရွက်လိုက်ပါ ။ ရဲဝဲ့စွန့်စားခြင်း ၊ အတွေးအခေါ်ကောင်းခြင်း ၊ ဆုံးဖြတ်ချက် မှန်ကန်ခြင်းကြောင့် ဘ၀အောင်မြင်မှု အခိုင်အမာ ရမည် ။ လုပ်ငန်းမရှိသူ လုပ်ငန်းရမည် ။

အခြေအနေ ပေးသည့်အပေါ် မှေးထိန်းလုပ်ကိုင်ရာ မှ လူမှန်နေရာမှန် မိမိနှင့် ကိုက်ညီသော အလုပ်ရမည် ။ ကာလအတန်ကြာ မိမိမျှော်လင့်နေသော အလုပ်များလည်း ပိုင်ဆိုင်ရကိန်းကြုံ မည် ။ သမားရိုးကျ လုပ်ကိုင်ခြင်းများထက် လမ်းသစ်ထွင်၍ ဆောင်ရွက်ခြင်းများဖြင့် အောင်မြင်မှု အရှိန်အဟုန် မြင့်မားမည် ။ အလုပ်စီးပွား တိုးတက်သော အနေအထား ရှိ သော်လည်း အတိုက်အခံများ အနှောက်အယှက်များ နှင့် ထိပ်တိုင်ရင်ဆိုင်ရခြင်းများ မကြာ ခဏကြုံမည် ။

Share

For CAPRICORN_2008

မည်သည့်နှစ်တွင် မဆို ဒီဇင်ဘာ ၂၂ မှ ဇန်န၀ါရီ ၂၀ ကြားမွေးသောသူများကို မကာရ ရာသီဖွား CAPRICORN များဟု သတ်မှတ်သည် ။ ရာသီ ၁၂ ပါးအနက် ဆယ်ခုမြောက်သော ရာသီခွင် ဖြစ်သည် ။ စရ လှုပ်ရှားခြင်းနှင့် ရှေ.ဆောင်ခြင်း သဘာဝကို ပိုင်ဆိုင်သည် ။ ဆိတ်တစ်ကောင်၏ ခန္ဓာကိုယ် ရှေ.ပိုင်း လက်နှစ်ချောင်းနှင့် ငါးတစ်ကောင်၏ အမြီးပိုင်း တွဲထားသော မကန်းကောင်တစ်ကောင်၏ ပုံသဏ္ဌာန်ကို ကောင်းကင်ယံထက်တွင် ဖော်ကျူးထားပေသည် ။ ၎င်း မကန်းကောင်သည်ပင် မကာရ ရာသီ၏ ရာသီသင်္ကေတဖြစ်သည် ။

ကဲနိဒါန်းလေး ပြီးသွားပြီဆိုတော့ .....စလိုက်တော့မယ်နော် ......မကာရ ရာသီဖွားတို့ ရဲ့ အချစ်ရေး ၊ မေတ္တာရေး .....၂၀၀၈ မှာ မောင်မောင် အချစ် ကို ဘာတွေနဲ့ သက်သေပြ မလဲဆိုတာကို ဖတ်တာကြည့်လိုက်တော့ မိတ်ဆွေတို့ရေ .....အသည်းကွဲစရာ ရှိရင်လည်း ကြိုတင်ပြင်ဆင်ကြပေါ့ .....မင်္ဂလာဆောင်တော့မယ် ဆိုရင်လည်း လိုအပ်တဲ့ ခန်းဝင်ပစ္စည်းလေးတွေ စုထားတော့ ဗျာ .......အသက်ရှင်နေကြတဲ့ လူသားတွေမှာ ခံစားချက်လေးတွေ ကိုယ်စီရှိကြတာမို့ မကာရ ရာသီဖွားတို့လည်း အချိန်လေးရှိတုန်း တစ်ခုခုကိုတော့ ခံစားလိုက်ကြတော့ဗျာ ......ခံစားချက်တွေ ပေါက်ကွဲလာရင် ...ခံစားချက်တွေ ပြင်းထန်လာရင် ကျွန်တော့ ဘလော့ကို လာလည်လှည့်ဗျို . ....ဖြေဆေးလေးဘာလေး ရှာပေးထားမယ် ......ကဲဒီလောက်ပဲတော်ပါပြီဗျာ ...ကျွန်တော် ပြောချင်တာတွေ ပြောနေရင် လိုရင်ကိုရောက်မှာ မဟုတ်တော့ ဘူး ...ဒီမှာပဲရပ်လိုက် ပြီဗျာ ....ရေးပြီးဗျို. ......မကာရ ရာသီဖွားတို့ ရဲ့ အချစ်ရေး ၊ မေတ္တာရေး ...

အချစ်ရေး ၊ မေတ္တာရေး

မကာရရာသီဖွား အားလုံးတို့သည် အလွန်ချစ်တတ်သော နှလုံးသားကို ပိုင်ဆိုင်ထားသည် ။ အမြဲထာဝရ ခိုင်မြဲသော မေတ္တာနှင့် ချစ်တတ်သူများ ဖြစ်ပေရာ ကျမ်းဂန်များတွင် The Consistent Lover များဟုသတ်မှတ်သည် ။ ချစ်သူအဖြစ် သတ်မှတ်ပြီးနောက်ပိုင်း တစ်ဖက်လူ၏ တုံ. ပြန်မှု အနိမ့်အမြင့် မည်မျှရှိစေ လျော့ကျခြင်း မရှိသော တသမှတ်တည်းသော မေတ္တာပိုင်ရှင်ဖြစ်သည် ။ ချစ်တာ ပဓာန ဟူသော ရှေးစကားအတိုင်း တူနှစ်ကိုယ် နီးစပ်ရန် အကြောင်းအရာတွင် ဂုဏ် ၊ ပကာသန စသည့် အကြောင်းအရာများ ထည့်သွင်း စဉ်းစားခြင်းမရှိ ။ နိမ့်ခြင်း ၊ မြင့်ခြင်း ၊ သာခြင်း ၊ နာခြင်း အပေါ် ထည့်တွက်လေ့မရှိ ၊ မေတ္တာပေါ်တွင် သစ္စာဖြည့်စွက်၍ ပေးဆပ်သော နှလုံးသားပိုင်ရှင်များဖြစ်သည် ။ ဘ၀လမ်းကြောင်းတွင် တူညီသော မေတ္တာတုံ.ပြန်မှုရရန် ကံအခွင့်အလမ်း အလွန်နည်းပါးသည် ။ မိမိ၏ အချစ်ကြီးမှုအပေါ် အခွင့်အရေးယူသူများနှင့် တွေ့ရတတ်သည် ။ ယခုနှစ်တွင်ကား ထူးထူးခြားခြား အချစ်ရေး ၊ မေတ္တာရေး ကံကောင်းခြင်းနှင့် မေတ္တာအပေါ်တန်းဖိုးထားသူ မိမိအပေါ် တန်းဖိုးထား၍ မြတ်နိုသူများနှင့် ဆုံစည်းရန် အနေအထား ရှိသည် ။ အထူးသဖြင့်

• 19 . 2 . 2008 မှ 20 . 3 . 2008 ကြား
• 20 . 5 . 2008 မှ 20 . 6 . 2008 ကြား
• 20 . 9 . 2008 မှ 20 . 10 . 2008 ကြား ကာလများတွင်ကား မေတ္တာရေး စန်းပွင့်မှု အလွန်မြင့်သည် ။ မိမိအပေါ် နားလည်သူနှင့် တွေ.ဆုံမည် ။ ပင်ကိုယ်သဘာဝတွင် မိမိကိုယ် မိမိ အထီးကျန်သဖွယ် ခံစားပြီး ဤဘ၀တွင် ညီမျှသော မေတ္တာရှင် တွေ.နိုင်ခွင့် မရှိဟု တွေးတောခံစားလေ့ရှိသည် ။ အထီးကျန်သော ကာလများ ကုန်ဆုံး၍ ထူးခြားသော အချစ်ရေးကံ အပြန်အလှန် အဆင်ပြေမှုများ အထက်ပါ ကာလများတွင် တွေ.ကြုံရမည် ။ ဘ၀အတွက် လက်တွဲဖော် အဖြစ် ရွေးချယ်နိုင်သော ချစ်သူကို တွေ.မည် ။ မူလ ချစ်သူ ရှိပြီး သူများအတွက်လည်း ချစ်သူ၏ တိုက်တွန်းမှုကြောင့် ခွန်အား စွမ်းပကားများ ထူးခြားစွာ တိုးမြင့် လာပြီး အောင်မြင်မှု တိုးတက်မှု ထူးထူးခြားခြား ရရှိမည် ။
  

• 20 . 1 . 2008 မှ 19 . 2 . 2008 ကြား
• 21 . 4 . 2008 မှ 20 . 5 . 2008 ကြား
• 21 . 10 . 2008 မှ 20 . 11 . 2008 ကြား ကာလများတွင် မေတ္တာရေး အညံရှိသည် ။ စိတ်အနှောက် အယှက် ရှိမည် ။ ချစ်သူ၏ အထင်လွဲမှု ဖြေရှင်းရမည် ။ လှည့်စားစိမ်းကားမှု ခံရမည် ။ မိမိ အပေါ် အနိုင်ကျင့် ဗိုလ်ကျတတ်သည် ။ ချစ်သူနှင့် ခေတ္တယာယီ ခွဲခွာရကိန်း ကြုံမည် ။ ထိုကာလ ၃ ခုမှတစ်ပါး အခြားကာလများတွင် အညံမရှိ ကောင်းပါသည် ။

ပြိဿရာသီ ၊ ကန်ရာသီ ၊ မကာရရာသီ ဖွားများနှင့် မေတ္တာမျှနေသူများ အဖို့ ယခုနှစ်တွင် အလွန်ချောမွေ့သော မေတ္တာရေးလမ်းကြောင်း ကြုံမည် ။ အလွန်အဆင်ပြေမည် ။ တစ်ဦးနှင့် တစ်ဦး သံယောဇဉ် ပိုမိုငြိတွယ် မည် ။ မိဿရာသီ ၊ ကရကဋ်ရာသီ ၊ တူရာသီတွင် မွေးဖွားသူများနှင့် မေတ္တာမျှနေသူများအဖို့ ကောင်းဆိုးရောထွေးနေသည် ။ အပြန်အလှန် မေတ္တာရှိလင့် ကစား ဘ၀တိုးတက်မှုအတွက် ခေတ္တယာယီ ခွဲခွာရမည် ။ အသေးစား အထင်အမြင် လွှဲမှားမှုများ ဖြေရှင်းရမည် ။ ပြီးမှ အဆင်ပြေမည် ။

အခုနှစ်အတွင်း စတင်၍ ချစ်သူဘ၀ရောက်သူများကား ဘ၀နောင်ရေး အထူးအေးချမ်းမည် ။ အနာဂတ် ရေရှည် လက်တွဲဖော် အဖြစ် ရောက်ရှိမည် ။ ဖူးစာဆုံ ၊ အိမ်ထောင်ကျသည်အထိ မေတ္တာအင်အားကောင်းမည် ။ ချစ်သူနှင့် ဝေးကွာ၍ အထီးကျန်နေသော မကာရ ရာသီဖွား များအတွက်လည်း မိမိအပေါ် နားလည် ခွင့်လွှတ်မှု အပြည့် ရှိသော ချစ်သူနှင့် ဆုံးစည်းခွင့်ရမည် ။ အသက် ၁၆ ၊ ၁၈ ၊ ၁၉ ၊ ၂၁ ၊ ၂၃ ၊ ၂၅ အရွယ်ရောက်သူများ အထူးစန်းပွင့်မည် ။ အသက် ၃၃ ၊ ၃၅ ၊ ၃၈ ၊ ၄၀ ၊ ၄၂ ၊ ၄၄ ၊ ၄၆ အရွယ်လွန် အပျိုကြီး လူပျိုကြီးများ အဖို့ အိမ်ထောင်ကျကိန်း ရှိသည် ။

Share

Sunday

လှပသော မနက်ခင်းတိုင်းမှာ
လေပြေအေးအေး ရှိနေဆဲပါ
ငှက်ကလေးတွေ တေးဆိုဆဲပါ
သေချာ ခံစားကြည့်မယ်ဆိုရင်
မနက်ခင်းဟာ
ရင်ထဲကို ခံစားမှုတစ်မျိုးတော့ ပေးနိုင်ပါတယ် ။

လေထဲမှာ နှင်းတွေ ၀ဲနေတယ်
သိပ်လှတဲ့ မနက်ခင်းလေးမှာ
အထီးကျန်နေတာ ကျွန်တော် တစ်ယောက်တည်းပေါ့ ။

တနင်္ဂနွေနေ့ရဲ့ မနက်ခင်းတိုင်းဟာ
ကျွန်တော် အတွက်မဟုတ်ဘူးလား
ကံဆိုးတယ် ကံကောင်းတယ်လို့ ကျွန်တော် မသတ်မှတ်ချင်
အရာရာမှာ အလွှဲလွှဲအမှားမှားတွေ ရှိတတ်ပါတယ် ။

ခြေလှမ်းတွေလျှောက်တိုင်း ခြေရာတွေ ကျန်ခဲ့တယ်
သူ့ပြန်သွားတိုင်း ကျွန်တော်ရင်မှာ ကဗျာတွေ ကျန်ခဲ့ပါတယ်
ကဗျာတွေ နှလုံးသားမှာ ချန်ခဲ့လို့
အိမ်မက်တွေ ကျွန်တော် အဆုံးမသတ်ချင်ပါဘူး
သူ့ ရဲ့ အချစ်အိမ်ကလေးမှာ ကျွန်တော် အိပ်ပျော်ခဲ့တာပါ ။

ကျွန်တော် အတွက် ဖမ်းဆုပ်လို့မရတဲ့ လေညှင်းလေးဟာ
သူပဲလား .................................. ။


Snuo Mwoani CMT

Share

love

တကယ်တော့ အချစ်ဆိုတာ သူ့ဟာနဲ့သူ သီးသန့်နေရင် အင်မတန်ကို မြတ်နိုးဖွယ်ရာ ကောင်းတဲ့ ခံစားချက်တစ်ခုပါ။ ဒီအချစ်ကို ငွေကြေးအရှိန်အ၀ါတွေ၊ မာန်မာနတွေနဲ့ တစ်ကိုယ်ကောင်းဆန်မှုတွေ ရောနှောလိုက်တဲ့ အခါမှာ အချစ်ဟာ နာမည်ဆိုးနဲ့ ကျော်ကြားသူ ဖြစ်သွားရတာပေါ့။ အမှန်မှာက အချစ်ဆိုတာ ပေးဆပ်ခြင်းမဟုတ်သလို ရယူခြင်းလည်းမဟုတ်ပြန်ဘူး၊ အနီးစပ်ဆုံးပြောရရင်တော့ ဖလှယ်ခြင်းပေါ့။ တစ်ဦးရဲ့ ပျော်ရွှင်မှု့ကို တစ်ဦးထံပြောပြီး ဖလှယ်တာ အချစ်ဆိုတဲ့ အဓိပ္ပါယ်နဲ့ နီးစပ်ပါတယ်။ ဒါကြောင့် အပေးအယူ မျှတတဲ့ စုံတဲ့လေးတွေဖြစ်ဖို့ အတွက် အောက်ပါအချက်လေးတွေကို ဖတ်ကြည့်ပြီး တစ်ပတ်လောက်ဖြစ်ဖြစ် စမ်းသပ်ကြည့်ပါလား။ အချစ်တွေ ထုံမွမ်းနေတဲ့ ကာလလေးမှာ ချစ်သူတိုင်း အဆင်ပြေ ချောမွေ့စေဖို့ အတွက်လေ။

သူနဲ့ကိုယ် ကွဲပြားချက်လေးတွေကို သဘောပေါက်ပေးပါ

အမြွာလေးတွေတောင်မှ စိတ်ဓါတ်ချင်း ချွတ်စွပ်တူဖို့ရာ မဖြစ်နိုင်တဲ့ အနေအထားမှာ ယောကျာ်းလေး တစ်ယောက်နဲ့ မိန်းကလေး တစ်ယောက်ဟာ ဘယ်လိုမှအကြိုက်ချင်း တူညီနိုင်မှာ မဟုတ်ဘူးလေ။တစ်ဦးက ကော်ဖီကြိုက်ပြီး တစ်ဦးက လက်ဖက်ရည်ကြိုက်တာ ပြဿနာမဟုတ်ပေမယ့် ဒီထက်လေးနက်တဲ့ ကိစ္စတွေမှာ ပြဿနာရှိလာနိုင်ပြီပေါ့။ ဥပမာ-ယောကျာ်းလေးဆိုရင် ဘီယာ၊ စီးကရက် သောက်တာမျိုး။ ဒါမျိုးက ပြောင်းလဲလာတဲ့ ခေတ်ရေစီးကြောင်းအရမို့ အလွန်အကျွံမဟုတ်ရင် နားလည်ပေးသင့်တဲ့ ကိစ္စမျိုးပါ။ အဓိကက သူရဲ့စိတ်နဲ့ ကိုယ်ရဲ့စိတ်ဟာ ဘယ်လိုမှထပ်တူကျမှာ မဟုတ်လို့ ညီမျှခြင်းညှိဖို့လည်း မကြိုးစားပါနဲ့။ အတိုင်းအတာတစ်ခု အထိ နားလည်ပေးထားခြင်းဟာလည်း သူကိုယ့်ကို ရှိန်လာစေမယ့် တစ်ချက်ပါဘဲ။

ချစ်လက်ဆောင်လေးတွေပေးပါ။
လက်ဆောင်ဆိုတာ မနှစ်သက်တဲ့သူ မရှိပါဘူး။ တန်ဖိုးနည်းတာ များတာထက် လက်ဆောင်ပေးတယ်ဆိုတာ ကိုယ်ကို အလေးအနက်ထားခြင်း တစ်မျိုး မဟုတ်လား ။ ဒီလိုပါဘဲ ချစ်သူတွေမှာလဲ မွေးနေ့ရောက်မှ မွေးနေ့ရောက်မှ လက်ဆောင်ပေးတာ မျိုး မဟုတ်ပဲ ရံဖန်ရံခါ ချစ်သက်လက်ဆောင်လေးတွေပေးတာဟာ သူ့ကို ကိုယ်အလေးအနက်ထားတယ်ဆိုတာ ပါးစပ်က မပြောဘဲ ထုတ်ဖော် ပြသနေတာ ပါပဲ ။ စာအုပ်ကြိုက်တဲ့ ချစ်သူအတွက် စာအုပ်လေးတွေ လက်ဆောင်ပေးတာမျိုး ၊ သီချင်းကြိုက်တတ်တဲ့ ချစ်သူလေးအတွက် သူသဘောကျတဲ့ အဆိုတော်ရဲ့ အခွေထွက်ရင် ဦးဦးဖျားဖျား လက်ဆောင်ဝယ်ပေးတာမျိုး စသဖြင့် ဒါလေးတွေက တစ်ဖက်သားက ကိုယ်ကိုပိုချစ်လာစေမယ့် အခွင့်အလမ်းလေးတွေပဲပေါ့။

နားလည်စွာနဲ့ စိတ်ဓါတ်မြှင့်တင်ပေးပါ

ဘ၀ဆိုတာ ပန်းခင်းလမ်းမဟုတ်ဘူးလေ။ ဘယ်လောက်ပဲ ချမ်းသာတဲ့လူပဲ ဖြစ်ဖြစ် ကျရှုံးချိန်တို့၊ ၀မ်းနည်း ကြေကွဲရတဲ့ အချိန်တွေဆိုတာ ရှိလာမှာပဲမဟုတ်လား။ ဒီလိုအခက်အခဲတွေ ကြုံလာတိုင်း နားလည်စွာနဲ့ စိတ်ဓါတ်မြှင့်တင်ပေးဖို့ အရေးကြီးပါတယ်။ သူစိတ်ဓါတ်ကျနေချိန် ဒါမှမဟုတ် ရှုံးနိမ့်နေတဲ့အချိန်မှာ ချစ်သူ ကောင်းပီသစွာနဲ့ နှစ်သိမ့်ဆွေးနွေးပေးနိုင်ဖို့ လိုပါတယ်။ မအောင်မြင်လို့ စိတ်ဓါတ်ကျနေတဲ့ သူတစ်ယောက်ကို သွားပြီးအပြစ်တင်ရင် တစ်ဖက်ကလည်း မခံချင်စိတ်နဲ့ ပြန်ပြောတဲ့အခါ အခန့်မသင့်ရင် အက်ကြောင်းရာတွေပါ ထင်သွားတတ်ပါတယ်။ သူ့အပေါ်ကို ကိုယ်ကနားလည်ပေးနိုင်ရင် အနှိုင်းမဲ့ ဖြစ်ပြီပေါ့။

ချစ်သူအတွက်ဆို လူရွှင်တော်ဖြစ်ပါစေ

ဟာသကို မကြိုက်တဲ့သူရှိရင် လက်ညှိုးထိုးပြစမ်းပါ။ ဒီလိုပါဘဲ တည်တည်တင်းတင်းကြီးနေတဲ့ သူကို ဘယ်သူက ခင်ချင်မလဲနော်။အထူးသဖြင့် ကိုယ်ချစ်တဲ့သူအတွက် ပျော်ရွှင်စရာလေးတွေ ဖန်တီးပေးနိုင်တဲ့ သူဖြစ်နေရင် အကောင်းဆုံးပဲပေါ့။ ပျော်ရွှင်စရာတွေ ဖန်တီးခြင်းမှာ ငွေကြေးတစ်ပြားတစ်ချပ်မှ မကုန်ပါဘူး။ ဒါပေမယ့် အဲဒီပျော်ရွှင်မှု့ဟာ ငွေကြေးနဲ့လည်း ၀ယ်ယူလိုလည်းမရပါဘူး။ ကိုယ်ချစ်သူကို တစ်ခါရယ်မောအောင် လုပ်နိူ်င်သူဟာ နှစ်ဆတိုးပြီး ပိုချစ်ခံရတဲ့ သူပါဘဲ။ ဒါအပြင် အံ့သြစရာ လုပ်တတ်တာဟာလည်း အရည်အချင်း တစ်ခုပဲတဲ့နော်။ ကဲ- သင့်ချစ်သူနဲ့တွေ့တဲ့အခါ သူရယ်အောင်တစ်ခုခုနောက်ကြည့်လိုက်စမ်းပါ။ ။

အဖြူရောင် မေတ္တ္တာကိုလည်းပေးပါ

အချစ်ဆိုတာ တစ်ခါတစ်ရံမှာ ပူလောင်တတ်တဲ့ သဘာဝရှိပါတယ်။ ဘယ်လိုအခါမျိုးတွေမှာ ပူလောင်သလဲ ဆိုတော့ကိုယ့်ဆန္ဒတွေမပြည့်ဝတဲ့ အခါမှာပေါ့။ မေတ္တာမှာတော့ ဘယ်တော့မှပူလောင်ခြင်းဆိုတာ မရှိဘူးလေ။ မေတ္တာဆိုတဲ့ သဘောက တစ်လောကလုံးကို ဖြန့်ကြက်ပေးထားလို့ ရတာမဟုတ်လား။ အချစ်ဆိုတာကတော့ တစ်လောကလုံး မပြောနဲ့။ ဟင်း- တစ်ယောက်ထက်ပိုသွားပြီဆိုရင်ကို……..ကဲ- အဲဒါတွေထက် အရေးကြီးတာ တွေက သူ့အပေါ်မှာ နက်ရှိုင်းတဲ့ အချစ်တဲ့ အချစ်တွေနဲ့ ထပ်တူအေးမြလှတဲ့ အဖြူရောင် မေတ္တာကိုလည်း ပေးနိုင်ဖို့ပါ။ ဒီလို စိတ်ထားတတ်သွားရင် အရမ်းကြီး ပြာကျအောင်တော့ မပူလောင်တော့ဘူးပေါ့နော်။ အထူး သတိထားရမှာကတော့ကိုယ့်အချစ်ကို ဗန်းပြပြီး ၊ သူ့ဘ၀ရဲ့ တက်လမ်းတွေကို ပိတ်ပင်မထားဖို့ပါဘဲ။ မေတ္တာနဲ့ ယှဉ်တဲ့အချစ်စိတ်နဲ့ ချစ်တတ်တဲ့သူဟာ အရာအားလုံးထက် မြင့်မြတ်တဲ့ သူပါ။ ။။

တောင်းပန်ခြင်းနှင့် ခွင့်လွှတ်ခြင်း ဒွန်တွဲပါစေ

လောကမှာ မမှားဖူးတဲ့ သူဆိုတာ မရှိပါဘူး။ ချစ်သူတွေကြားမှာ ကြီးကြီးကျယ်ကျယ်တွေ မဟုတ်ရင်တောင် စိတ်အခန့်မသင့် စရာကိစ္စလေးတွေကတော့ စုံတွဲတိုင်းလိုလိုမှာ ရှိတတ်ကြပါတယ်။တချို့က ကိုယ်မှားမှန်း သိရက်နဲ့ ဘယ်တော့မှမတောင်းပန်ချင် ကြဘူး။ ဒီတော့ ဘယ်လိုပြသနာတွေဖြစ်ဖြစ် ကိုယ်ကမှားတယ်ဆိုရင် တောင်းပန်ဖို့ ၀န်မလေးပါနဲ့။ ဒီလိုပါဘဲ အတောင်းပန်ခံရတဲ့သူကလည်း ငါကအသာစီးကပဲဆိုတဲ့ စိတ်မျိုးကြီးနဲ့ တင်းမထားသင့်ဘဲ နားလည်ခွင့်လွှတ်ပေးတတ်ဖို့ လိုပါတယ်။ ကိုယ်မှားလို့တောင်းပန်ခြင်းဟာ တစ်ဖက်သား အပေါ်လေးစားမှူ ရှိခြင်းနဲ့လည်း အတူတူပါဘဲ။ ဒါကြောင့် မှားသွားရင် ကျေနပ်အောင် တောင်းပန်လိုက်ပါ။ တောင်းပန်ခံရရင်လည်း ခွင့်လွှတ်ပေးပါ။

နွေးထွေးသောအချစ်တွေ အရောင်လက်ပါစေ

သူနဲ့ငါချစ်နေတာပဲ။ ဘာမှမလိုပါဘူးလေဆိုပြီး အေးတိအေးစက်ကြီး နေတာကြာလာရင် အေးတိအေးစက်ကြီးပဲ ဖြစ်သွားတတ်ပါတယ်။ ဒီအခြေအနေကြီးကို လိုလားပါသလား။ မလိုလားပါဘူးနော်။ အချစ်တွေ အမြဲတမ်း နွေးထွေးဖို့ အတွက် အရေးကြီးပါတယ်။ ဒီအတွက်ကတော့ တစ်ယောက်နဲ့တစ်ယောက် အပြန်အလှန် ဂရု စိုက်တာ၊ ချစ်သူဖြစ်စက အမှတ်တရလေးတွေ ပြန်ပြောတာ။ ယောကျာ်းလေးဆိုရင်လည်း ကိုယ်ပိုးပန်းစဉ်က လွဲချော်ခဲ့ဖူးတဲ့ အဖြစ်သနစ်လေးတွေကို ပြန်ပြောင်းပြောဆိုတာ၊ မိန်းကလေးဆိုရင်လည်း အဖြေပေးစဉ်အခါက ရင်ခုန်စိတ်လှုပ်ရှားမှုလေးတွေ ပြန်ရင်ဖွင့်ပြတာ စသဖြင့်နှောင်းတမြည့်မြည့်လုပ်ခြင်းဟာလည်း အခါအခွင့် သင့်တိုင်း ပြန်ပြောဖို့ မမေ့ပါနဲ့။ ချစ်တယ်ဆိုတဲ့စကားဟာ ပိုးပန်းစဉ် ဒါမှမဟုတ် အဖြေပေးစဉ်ပြောတဲ့ တစ်ခါ သုံးစကားမဟုတ်ပါဘူး။ မသေမချင်း တစ်ဘ၀လုံးသုံးရမယ့် စကားပါ။ ဒါကြောင့် ကိုယ့်ချစ်သူကို ချစ်တယ် လို့ ထပ်ထပ်ပြောဖို့ နှုတ်မတွန့်ပါနဲ့လား။ နှစ်ဦးသားတွေ့ဆုံချိန်မှာ သူမျက်ဝန်းတွေကို တည့်တည့် စိုက်ကြည့်ပြီး မင်းကိုအရမ်းချစ်တာပဲ ဆိုတဲ့ စကားကို ပြောကြည့်ပါလား။ သူလည်းရင်တွေ ပြန်ခုန်လာတာကို သင့်နားနဲ့ ဆတ်ဆတ်ကြားရပါလိမ့်မယ်။

ကြားဘူးနားဝ အချစ်ကျမ်းများမှ ထင်သလို မြင်သလို ရေးထားသည် ... အားပေသွားသော သူငယ်ချင်းများ ကျေးဇူးတင်ပါတယ် ခင်ဗျာ ။

Share

I Really Love You.

• ဘယ်လောက်ပဲ အိပ်ချင်နေပါစေ အိပ်ခါနီးအချိန်လေးမှာ အိပ်မပျော်ခင် သူ့အကြောင်းကို စဉ်းစားတယ်ဆိုရင် သေချာပါတယ် သူကို ချစ်မိသွားလို့ပဲ ။
• အားလပ်တဲ့ အချိန်လေးတွေမှာ သူစိတ်ဝင်စားအောင် ဘယ်လိုလေးတွေ လုပ်မယ် ဆိုတဲ့ အတွေးလေး ရှိနေတာ လဲ သေချာပါတယ် သူ့ကို ချစ်မိသွားလို့ပဲ ။
• သူနဲ့ ပက်သက်အမျှ အရာအားလုံး ကို နေ့တိုင်းနေ့တိုင်း ဂရုတစိုက် အလေးထား တယ်ဆိုရင်လည်း သေချာ ပါတယ် သူ့ကို ချစ်မိလို့ပါပဲ ။
• ဘယ်လောက်ပဲ အလုပ်ရှုပ်နေပါစေ ကိုယ် ဖုန်းကို ဖွင့်ထားပြီး သူ့ဆီက မက်ဆေ့ ဒါမှမဟုတ် ဖုန်းကို စောင့်နေမိ တယ် ဆိုရင် သူ့ကို ကိုယ် ချစ်မိသွားလို့ပါပဲ ။
• သူနဲ့အတူ နှစ်ယောက်တည်း စကားပြောရတာကို နှစ်သက်တယ် ဆိုရင် သူ့ကို ကိုယ် ချစ်မိသွားလို့ပဲ ။
• အတူ ရှိနေတဲ့ အချိန် သူ့ကို ဂရုမစိုက်ချင် ဟန်ဆောင်နေပေမယ့် ကိုယ့် မြင်ကွင်းထဲကနေ သူပျောက်သွားရင် အပူတပင်လိုက်ရှာတတ်တာ သူ့ကို ကိုယ်ချစ်မိသွားလို့ပဲ ။
• သူ့ ဖျားနေနေရင် ၊ ထိခိုက် ဒဏ်ရာ ရလာရင် လွန်တာထက် ပိုစိုးရိမ်မိရင် သူ့ကို ကိုယ်ချစ်မိ သွားလို့ ပဲ ။
• တစ်ခြားလူအပေါ် သူ စေတနာပိုမိလို့ ကိုယ့်စိတ်ထဲကနေ မနာလို သ၀န်တိုမိရင် သူ့ကို ကိုယ် ချစ်မိသွားလို့ပဲ ။
• သူ့ရဲ့ ချိုမြမြ အပြုံးတွေကို ကြည့်ပြီး ကိုယ့်နှုတ်ခမ်းလေးတွေပါ လိုက်တွန့်နေရင် သူ့ကို ကိုယ်ချစ်မိသွားလို့ပဲ ။
• သူ့အကြောင်း ၊ သူ့ သတင်းတွေကို အမြဲနားစွင့်နေတတ်ရင်လည်း သူ့ကို ကိုယ်ချစ်မိသွားလို့ပါပဲ ။
• သူပေးတဲ့ လက်ဆောင်လေးတွေကို အမှတ်တရ သိမ်းထားတယ် ဆိုရင်လည်း သူ့ကို ကိုယ်ချစ်မိသွားလို့ပါပဲ ။
• သူနဲ့ ချက်နေရင်း offline ဖြစ်သွားမှာ ကိုတောင် စိုးရိမ်နေတယ် ဆိုရင်တော့ သေချာပါတယ် သူ့ကို ချစ်နေလို့ပါပဲ ။

ဒီစာကို ဖတ်နေချိန်မှာ တစ်စုံတစ်ယောက်ကို သတိယ နေမိရင် သူ့ကို ကိုယ် ချစ်မိသွားလို့ပဲ ။

ချစ်တဲ့ သူတိုင်း ပျော်ရွှင်ကြပါစေ ။

Snuo Mwoani CMT

Share

Epiphyllum

-> အင်္ဂလိပ်အခေါ် = Epiphyllum
-> တရုတ်အခေါ် = 昙花
-> ဇောင်းကြမ်းပင် (cactus) မျိုးနွယ်စု၊
-> မှုလပေါက်ပွားရဒေသ တောင်အာဖရိက၊ မက်ဆီကို
-> ပူပြင်းခြောက်သွေ့သော သဲကန္တာရနေရာများတွင် ပေါက်ရောက်၊
-> ပန်းပွင့်ကြီးမျိုးဖြစ်၊ ပွင့်ဖတ် လှံချွန်ပုံသဏ္ဍာန်၊ ညအချိန်တွင်
-> ပွင့်ပြီး မနက်မှာ ညှိုးနွမ်း၊
-> Epiphyllum ပန်းက တစ်သက်မှာ တစ်ခါပဲပွင့်ပြီး ပန်းပွင့်ချိန် ၄. ၅ နာရီသာ
-> ကြာမြင့်တဲ့ ပန်းမျိုးဖြစ်တယ်။ တစ်သက်မှာတစ်ခါ ဖူးပွင့်ရတဲ့
-> တိုတောင်းချိန်ကို သူဂရုမစိုက်ခဲ့ဘူး။ ဖူးပွင့်ရဲတဲ့ အစွမ်းသတ္တိကိုပဲ
-> သူထုတ်ပြခဲ့တယ်။
-> ညအချိန်မှ ပွင့်တတ်တဲ့အတွက် "လရောင်အောက်က မိန်းမလှ" ဟု တင်စား
-> ထို့ကြောင့် အချို့လူများက အချိန်တိုတောင်းခြင်းကို ဤပန်းနှင့် ခိုင်းနှိုင်း။

-> ကိုယ်တကယ်ချစ်တဲ့ လူနဲ့ဆုံတဲ့အခါ သူနဲ့တစ်သက်သာ လက်တွဲနိုင်ဖို့
-> ကြိုးစားပါ။
-> သူမရှိတော့ရင် အရာအားလုံးက နှောင်းသွားလိမ့်မယ်။
-> ကိုယ်ယုံကြည်ရတဲ့ သူငယ်ချင်းနဲ့ ဆုံတဲ့အခါ သင့်မြတ်အောင်
-> နေထိုင်နိုင်ဖို့ ကြိုးစားပါ။
-> ဘ၀တစ်လျှောက်မှာ ကိုယ်နဲ့သဘောထားချင်း တိုက်ဆိုင်သူနဲ့ ဆုံဖို့ဆိုတာ
-> မလွယ်လှဘူး။
-> ကိုယ့်ဘ၀ကို ကူညီတဲ့လူနဲ့ ဆုံတဲ့အခါ သူ့ကျေးဇူးကို မှတ်ထားပါ။
-> သူဟာ ကိုယ့်ဘ၀ကို လှည့်ပြောင်းပေးခဲ့သူ ဖြစ်လို့ပါပဲ။
-> ကိုယ်ချစ်ခဲ့ဖူးတဲ့လူနဲ့ ဆုံတဲ့အခါ ပြုံးပြပြီး ကျေးဇူးတင်ကြောင်းပြောပါ။
-> သူ့ကြောင့် အချစ်ကို ပိုနားလည်စေခဲ့လို့ပါပဲ။
-> ကိုယ်မုန်းခဲ့ဖူးတဲ့လူနဲ့ ဆုံတဲ့အခါ ပြုံးပြပြီး နှုတ်ဆက်လိုက်ပါ။
-> သူ့ကြောင့် ကိုယ်ပိုကြံ့ခိုင်ခဲ့လို့ပါပဲ။
-> ကိုယ်နဲ့အတူနေနေတဲ့၊ ကိုယ့်ကို အဖော်ပြုနေသူကို လုံးဝကျေးဇူးတင်ပါ။
-> သူ့ကြောင့် ပျော်ရွှင်ကြည်နှုးမှုနဲ့ ချစ်ခြင်းမေတ္တာတွေကို ကိုယ်ရနေလို့ပါပဲ။
-> ကိုယ့်ကို သစ္စာဖောက်သွားသူနဲ့ ဆုံတဲ့အခါ ခေါ်ပြောနှုတ်ဆက်ပါ။
-> သူ့ကြောင့် လောကကြီးအကြောင်းကို ကိုယ်နားလည်ခဲ့လို့ပါပဲ။
-> ကိုယ်တိတ်တခိုးချစ်ခဲ့ဖူးသူနဲ့ ဆုံတဲ့အခါ သူပျော်ရွှင်ဖို့ တောင်းဆုပြုပါ။
-> သူ့ကို ကိုယ်ချစ်ခဲ့စဉ်က သူပျော်နေတာကိုပဲ ကိုယ်မြင်ချင်ခဲ့လို့ပါ။
-> ကိုယ့်ကို ထားခဲ့တဲ့လူနဲ့ ဆုံတဲ့အခါ ကျေးဇူးတင်ကြောင်းပြောပါ။
-> ကိုယ့်ဘ၀မှာ အမှတ်တရ အတိတ်ခြေရာလေးတွေ ထင်ကျန်အောင် သူ
-> နင်းလျှောက်ခဲ့လို့ပါပဲ။

-> တစ်ခါပဲဖြစ်ခွင့်ရတဲ့ ဘ၀မှာ လုပ်ခွင့်ရတဲ့ အခွင့်အရေးဟာလဲ တစ်ခါပဲရှိတယ်။
ကျွန်တော် အခုတင်ပေးလိုက်တဲ့ ပိုစ့်လေးကတော့ ကျွန်တော်ဆီကို online မှာ ခင်တဲ့ သူငယ်ချင်း ကောင်းမလေး တစ်ယောက်က ပို့ပေးလို့ ကျွန်တော်လည်း သဘောကျတာနဲ့ တင်ပေးလိုက်တာပါ ခင်ဗျာ . ။ အားလုံးလည်း သိစေချင်တဲ့ ဆန္ဒလေးနဲ့ပါ ... အားလုံးပဲပျော်ရွှင်ပါစေဗျာ ... ၊



Snuo Mwoani CMT

Share